rashomon

1. (bax: akira kurosava)nın ən qiymətli filmlərindən biri rashomon. meşədə bir qadın ilə əri gedərkən bir quldur onları izləyir. qadının ərinin aldadıb, onun əl - qolunu bağlayır. arvadını isə zorlayır. məhkəmədə isə hadisəni hərəsi ( təcavüzə uğrayan qadın, təcavüz edən quldur və medium vasitəsilə danışdırılan arvadın ölmüş əri) bir cür, bir - birinə bənzəyən, amma bir o qədər də fərqli olan formada nəql edir. və üstəlik hadisənin şahidləri də var. bu şahidlərdən biri də hadisəni 4 - cü və tamam fərqli formada nəql edir. bəs hansı doğrudur? kurosava bu filmində hadisənin mahiyyətinin açıqlanmasından daha çox, insanlar arasındakı münasibətlərə, yalan deyilən nəsnənin nə üçün söyləndiyi, başqasını yalanda və ya başqa günahlar törətməkdə ittiham edənlərin özlərinin nə dərəcədə günahsız olduğu kimi məsələlərə işıq salmaq istəyir. məsələn, filmin sonunda bir oğru məbədə atılmış uşağın üzərindən qiymətli paltarları oğurladıqda yanındakı bir ailə başçısı (səyyah) buna etiraz edir. oğru cavabında səyyahın da namuslu olmadığını, danışdığı hekayəyə əsasən onun da qiymətli bir xəncərin oğurladığı nəticəsinə gəldiyini bildirir. və məlum olur ki, oğrunu oğruluqda ittiham edən səyyah özü də nəsə oğurlayıb. kurosava cavab axtarır - o haqlıdırmı? sən həyatında cəmi bir dəfə oğurluq etmiş olsan belə başqasını oğurluğa görə günahlandırmaqda haqlısanmı?
film yapon yazıçı (bax: ryunosuke akutagawa) nın eyniadlı hekayəsinin motivləri əsasında çəkilib. və özündən sonra film çəkilmə texnikasında çoxlu yenilikləri ilə cığır açıb. və kurosavaya bir sıra önəmli beynəlxalq mükafatlar qazandırıb.

- insanoğlu zəifdir, ona görə yalan danışır, hətta özünə belə.
- insanlar pis şeyləri unutmaq və yalan da olsa yaxşı şeylərə inanmaq istəyir. belə daha zəhmətsizdir.
rashomon b/f - dən.

2. keçən əsrin tən ortasında - 1950də çəkilmiş bir yapon əjdahası film. 2 dəfə baxmışam. bu film dünya kinosunda, incəsənətində və psixologiyasında müəyyən yer tutmuş, ad qazanmış və iz buraxmış bir filmdir. akutaqava rünoskenin rashomon və in the grove hekayələri əsasında çəkilib. baş vermiş cinayət hadisəsini məhkəmədə hər kəs öz mənfəətinə uyğun formada danışır:
quldur - əlləri bağlı samurayı öldürməyi özünə yaraşdırmır, bu hərəkət igidliyə sığmadığına görə onunla döyüşərək öldürdüyünü deyir.
qadın - namusunun pozulduğunu və bu vəziyyətdən çox utandığını, utancından intihar etmək istədiyini deyir.
ölmüş samuray - medium vasitəsilə danışdırılan qurban arvadının gözü qarşısında zorlandığını qeyrətinə sığışdırmadığına görə və nə arvadını, nə də qulduru öldürə bilmədiyinə görə seppuku vasitəsilə özünü öldürdüyünü deyir.
şahid - meyitin sinəsinə vurulmuş qiymətli xəncəri oğruladığına görə məhkəmə qarşısında çox az danışır.

film novatorluq edərək ilk dəfə kameranı günəşə tərəf istiqamətləndirib. kamera demişkən, operator kazuo miyagawadır. quldur rolunu oynayan toshiro mifune, əvvəlcə qəribə, mənasız və şit gəlirdi. sonra sevməyə başladım -*

(bax: rashomon effekti)

rashomon

Yalnız deyilsən!

Yalnız deyilsən!